ന്യൂഡൽഹി : നിമിഷപ്രിയയുടെ മോചനത്തിനായി നടക്കുന്ന ചര്ച്ചകളില് പങ്കെടുക്കുന്നതിന് ആക്ഷൻ കൗൺസിൽ പ്രതിനിധികൾക്ക് യമനിലേക്ക് പോകാൻ അനുമതി നല്കണമെന്ന ആവശ്യം കേന്ദ്രസര്ക്കാര് തള്ളി.ചര്ച്ച നടത്തേണ്ടത് കുടുംബമോ കുടുംബം ചുമതലപ്പെടുത്തുന്ന വ്യക്തികളോ ആകണമെന്ന് കേന്ദ്ര വിദേശകാര്യമന്ത്രാലയം അറിയിച്ചു .
സേവ് നിമിഷപ്രിയ ആക്ഷന് കൗണ്സിലില് നിന്നും രണ്ട് പേരും കാന്തപുരം അബൂബക്കര് മുസ്ലിയാരുടെ പ്രതിനിധികളായ രണ്ടുപേരെയും കേന്ദ്ര സര്ക്കാരിന്റെ രണ്ട് പ്രതിനിധികളെയും നയതന്ത്ര ചര്ച്ചയ്ക്ക് പോകാന് അനുവദിക്കണമെന്നായിരുന്നു ആവശ്യവുമായി കേന്ദ്ര സര്ക്കാരിന് കത്ത് നല്കിയിരുന്നു.ഇതിന് മറുപടിയായി ഗള്ഫ് മേഖലയുടെ ചുമതലയുളള കേന്ദ്ര വിദേശകാര്യ മന്ത്രാലയത്തിന്റെ ഡയറക്ടറാണ് ചര്ച്ച നടത്തേണ്ടത് നിമിഷപ്രിയയുടെ കുടുംബമോ കുടുംബം ചുമതലപ്പെടുത്തുന്നവരോ ആകണമെന്ന് വ്യക്തമാക്കിയിരിക്കുന്നത്.
