തിരുവല്ല: മദ്യലഹരിയില്‍ മൂന്ന് അംഗസംഘം സഞ്ചരിച്ചിരുന്ന കാർ വൈദ്യുത തൂണിൽ ഇടിച്ചു കയറി രണ്ടുപേര്‍ക്ക് പരിക്കേറ്റു. കവിയൂര്‍ സ്വദേശികളായ ആഷിക് (27), സഞ്ജു (27 ) എന്നിവര്‍ക്കാണ് പരിക്കേറ്റത്. എം സി റോഡിലെ തിരുമൂലപുരം ജംഗ്ഷന് സമീപം ബുധനാഴ്ച ഉച്ചയ്ക്ക് രണ്ടരയോടെ ആയിരുന്നു സംഭവം.
ഇരുവരെയും തിരുവല്ല താലൂക്ക് ആശുപത്രിയില്‍ പ്രവേശിപ്പിച്ചു. ചെങ്ങന്നൂര്‍ ഭാഗത്തുനിന്നും തിരുവല്ല ഭാഗത്തേക്ക് എത്തിയ കാര്‍ നിയന്ത്രണം വിട്ട് വഴി വക്കിലെ ഓടയ്ക്ക് മീതെ 50 അടിയോളം ഓടിയശേഷം സമീപത്തെ സ്ഥാപനത്തിന്റെ ബോര്‍ഡുകളും ഇടിച്ചു തെറിപ്പിച്ച് വൈദ്യുത പോസ്റ്റില്‍ ഇടിച്ചാണ് നിന്നത്. സംഭവത്തില്‍ പോലീസ് കേസെടുത്തു.
