ന്യൂഡൽഹി : പാർലമെന്റിന്റെ ശീതകാലസമ്മേളനം ആരംഭിച്ചു. 19 ദിവസങ്ങളിലായി ആകെ 15 സിറ്റിങ്ങുകൾ ഈ സമ്മേളനത്തിൽ ഉണ്ടാകും .13 ബില്ലുകളാണ് സമ്മേളനകാലത്ത് സർക്കാർ അവതരിപ്പിക്കുക. എസ്ഐആറും ഡൽഹി സ്ഫോടനവും അടക്കമുള്ള വിഷയങ്ങള് പ്രതിപക്ഷം സഭയില് ഉന്നയിക്കും.
പാർലമെൻ്റ് സമ്മേളനം ജനങ്ങൾക്ക് ഊർജ്ജത്തിൻ്റെ സന്ദേശം നൽകുന്നതാകണമെന്ന് സമ്മേളനത്തിന് മുന്നോടിയായി മാധ്യമങ്ങളെ അഭിസംബോധന ചെയ്ത പ്രധാനമന്ത്രി നരേന്ദ്ര മോദി പറഞ്ഞു .തെരഞ്ഞെടുപ്പ് തോൽവിയുടെ അസ്വസ്ഥതയിൽ നിന്ന് പുറത്തു വരണമെന്നും അനാവശ്യ ബഹളമില്ലാതെ നടപടികളോട് സഹകരിക്കണമെന്നും മോദി പ്രതിപക്ഷത്തോട് ആവശ്യപ്പെട്ടു.
