പെരിയ ഇരട്ടക്കൊലക്കേസ് : വിധിയിൽ തൃപ്തരല്ലെന്ന് കുടുംബങ്ങൾ

കൊച്ചി : പെരിയ ഇരട്ടക്കൊലക്കേസില്‍ സിബിഐ പ്രത്യേക കോടതിയുടെ ശിക്ഷാവിധിയിൽ തൃപ്തരല്ലെന്നു കൃപേഷിന്റെയും ശരത് ലാലിന്റെയും കുടുംബങ്ങൾ. ആദ്യ എട്ട് പ്രതികൾക്ക് വധശിക്ഷ കിട്ടുമെന്ന് പ്രതീക്ഷിച്ചിരുന്നുവെന്നും കെ.വി.കുഞ്ഞിരാമൻ അടക്കമുള്ളവർക്കുള്ള ശിക്ഷ കുറഞ്ഞു പോയെന്നും കുടുംബം പ്രതികരിച്ചു. പ്രൊസിക്യൂട്ടറുമായും പാർട്ടിയുമായും ആലോചിച്ച് അപ്പീൽ ഉള്‍പ്പെടെയുള്ള കാര്യങ്ങളെക്കുറിച്ച് ആലോചിക്കും എന്നും കുടുംബങ്ങൾ വ്യക്തമാക്കി.