തിരുവല്ല : തടിയൂർ1650-ാം നമ്പർ എൻ എസ് എസ് കരയോഗം 75 -ാം വർഷത്തിലേക്ക് കടക്കുന്നതിൻ്റെ ഭാഗമായി നടന്ന പ്ലാറ്റിനം ജൂബിലി ആഘോഷവും കുടുംബ സംഗമവും ഡയറക്ടറി പ്രകാശനവും എൻ എസ് എസ് ഡയറക്ടർ ബോർഡ് അംഗവും പന്തളം താലൂക്ക് യൂണിയൻ പ്രസിഡൻ്റുമായ പന്തളം ശിവൻകുട്ടി ഉത്ഘാടനം ചെയ്തു. തിരുവല്ല താലൂക്ക് യൂണിയൻ പ്രസിഡൻ്റ് ആർ. മോഹൻ കുമാർ അദ്ധ്യക്ഷത വഹിച്ചു.
തിരുവല്ല താലൂക്ക് യൂണിയൻ വൈസ് പ്രസിഡൻ്റ് ഡോ:എം വി സുരേഷ് മുഖ്യപ്രഭാഷണം നടത്തി. എൻഡോവ്മെൻ്റ് ക്വാഷ് അവാർഡ് വിതരണം യൂണിയൻ സെക്രട്ടറി വി.ആർ സുനിലും, മുതിർന്ന അംഗങ്ങളെ ആദരിക്കൽ താലൂക്ക് വനിതാ യൂണിയൻ വൈസ് പ്രസിഡൻ്റ് ശാന്താ വി നായരും, പ്രതിഭകളെ അനുമോദിക്കൽ പ്രതിനിധിസഭാംഗം ജോഷ് കുമാറും, ചികിൽസാധനസഹായ വിതരണം വനിതാ സമാജം പ്രസിഡൻ്റ് പി. കനകവല്ലിയമ്മയും നിർവഹിച്ചു.
തിരുവല്ല താലൂക്ക് യൂണിയൻ ഭരണസമതി അംഗവും കരയോഗം പ്രസിഡൻ്റു മായ സുരേഷ് കുഴിവേലിൽ, വനിതാ യൂണിയൻ ഭരണ സമതി അംഗം പ്രീതാ ബി നായർ, ഗ്രാമപഞ്ചായത്ത് സ്റ്റാൻടിംഗ് കമ്മറ്റി ചെയർപേഴ്സൻ ബി.ജയശ്രീ, കരയോഗ വനിതാ സമാജഭാരവാഹികളായ ആർ. ആനന്ദക്കുട്ടൻ, രമേശ് ബാബു, രാജ്കുമാർ ജി, ഗിരിജാദേവി , ശിവൻകുട്ടി നായർ,ഉപേന്ദ്രനാഥൻ നായർ, ഇന്ദുകല എ നായർ, പ്രദീപ് പുരയിടത്തു മണ്ണിൽ, രമേശ് കുമാർ, പ്രവീൺ കുമാർ, ചന്ദ്രമ്മ ജി. നായർ, രമാദേവി, കൃഷ്ണമ്മ കെ.വി, രമ്യ ആർ നായർ, ഹരിജ മുട്ടുമണ്ണിൽ, ശ്രീനന്ദ എന്നിവർ പ്രസംഗിച്ചു.
പ്ലാറ്റിനം ജൂബിലി ആഘോഷങ്ങളുടെ ഭാഗമായി ഒരു വർഷം നീണ്ടുനിൽക്കുന്ന കർമ്മപദ്ധതികൾക്ക് രൂപം നൽകി.
