പത്തനംതിട്ട: അശ്ലീല ചിത്രം വാട്സാപ്പിൽ സ്‌റ്റാറ്റസായി ഇട്ട് ഷെയർ ചെയ്ത പൊലീസ് ഉദ്യോഗസ്‌ഥന് സസ്പെൻഷൻ. കെ എ പി അടൂർ മൂന്നാം ബറ്റാലിയനിലെ ഉദ്യോഗസ്ഥൻ സഞ്ജു കൃഷ്ണനെയാണ് ജില്ലാ പൊലീസ് മേധാവി സസ്പെൻഡ് ചെയ്തത്. പൊലീസ് അസോസിയേഷൻ ഭാരവാഹികൂടിയാണ് ഉദ്യോഗസ്ഥൻ.
അബദ്ധം പറ്റിയതാണെന്ന ക്ഷമാപണ സ്റ്റാറ്റസും ഉദ്യാഗസ്ഥൻ പങ്കു വച്ചിരുന്നു. സേനയുടെ അന്തസിന് കളങ്കം ചാർത്തൽ, പെരുമാറ്റദൂഷ്യം, അച്ചടക്ക ലംഘനം എന്നിവയും ഉദ്യോഗസ്ഥനെതിരെ കണ്ടെത്തിയിട്ടുണ്ട്. കൂടുതൽ അന്വേഷണം നടത്തുന്നതിനുള്ള ചുമതല ബറ്റാലിയൻ അസി. കമാൻഡൻ്റിന് നൽകി.
