തിരുവനന്തപുരത്ത് സിപിഎം സിറ്റിങ് എംഎൽഎമാരെ തന്നെ മത്സരിപ്പിച്ചേക്കും

തിരുവനന്തപുരം : നിയമസഭാ തിരഞ്ഞെടുപ്പിൽ തിരുവനന്തപുരത്ത് സിപിഐഎമ്മിന്റെ സിറ്റിങ് എംഎൽഎമാർ എല്ലാവരും മത്സരിച്ചേക്കും. സംസ്ഥാന സെക്രട്ടറി എം.വി.ഗോവിന്ദന്‍ പങ്കെടുത്ത ജില്ലാ സെക്രട്ടേറിയറ്റ് യോഗത്തിലാണ് ഇതു സംബന്ധിച്ച് തീരുമാനമായത്. വിജയസാധ്യത പരിഗണിച്ചാണ് എല്ലാ സിറ്റിങ്ങ് എംഎൽഎമാരെയും മത്സരിപ്പിക്കാൻ തീരുമാനിച്ചത് .ജില്ലാ സെക്രട്ടറി വി ജോയ് വർക്കലയിൽ വീണ്ടും ജനവിധി തേടും.ജോയ് മത്സരിക്കുന്ന സാഹചര്യത്തിൽ തിരുവനന്തപുരത്ത് പുതിയ ജില്ലാ സെക്രട്ടറി വരും. യോഗത്തിലെ തീരുമാനങ്ങൾ സംസ്ഥാന നേതൃത്വത്തിന് കൈമാറും.