എടത്വാ : തലവടിയിൽ കുറുകെ ചാടിയ നായയെ ഇടിച്ച് വീണ് സ്കൂട്ടർ യാത്രക്കാരന് പരുക്ക്.പരുമല സ്വകാര്യ ആശുപത്രിയിലെ ജീവനക്കാരനായ തലവടി ആനപ്രമ്പാൽ തെക്ക് സൗഹൃദ നഗറിൽ വാലയിൽ സാം മാത്യു (48) ഡ്യൂട്ടിക്ക് പോകുമ്പോൾ തൊട്ടടി പാലത്തിന് സമീപം ആണ് നായ കുറുകെ ചാടിയത്. തുടർന്ന് പ്രദേശവാസികൾ ചേർന്ന് വാഹനത്തിൽ ആശുപത്രിയിൽ എത്തിച്ചു. കൈയ്ക്കും കാലിനും പരുക്ക് ഉണ്ടെങ്കിലും ഹെൽമറ്റ് ഉപയോഗിച്ചതിനാൽ തലയ്ക്ക് പരുക്ക് ഇല്ല.സ്ക്കൂട്ടറിന് തകരാർ സംഭവിച്ചു.
തലവടിയിലും സമീപ പ്രദേശങ്ങളിലും തെരുവ് നായ്ക്കളുടെ ശല്യം രൂക്ഷമാണെന്നും തെരുവ് നായ്ക്കളുടെ ശല്യം കുറയ്ക്കുന്നതിന് സുപ്രീം കോടതിയുടെ ഉത്തരവ് അധികൃതർ പാലിക്കണമെന്നും എടത്വ വികസന സമിതി ജനറൽ സെക്രട്ടറി ഡോ.ജോൺസൺ വി ഇടിക്കുള ആവശ്യപ്പെട്ടു .
