കാഠ്മണ്ഡു : നേപ്പാളില്‍ ദേശീയപാതയിലേക്ക് മണ്ണിടിഞ്ഞു വീണതിനെത്തുടര്‍ന്ന് യാത്രക്കാരുമായി പോയ രണ്ട് ബസ്സുകള്‍ നദിയില്‍ വീണു കാണാതായി . മദന്‍-ആശ്രിത് ഹൈവേയില്‍ ത്രിശൂലി നദിക്ക് സമീപമാണ് പുലര്‍ച്ചെ അപകടമുണ്ടായത്. രണ്ട് ബസുകളിലുമായി ബസ് ഡ്രൈവർമാരടക്കം 63 പേർ ഉണ്ടായിരുന്നു.
തലസ്ഥാനമായ കാഠ്മണ്ഡുവിലേക്ക് പോവുകയായിരുന്ന എയ്ഞ്ചൽ ബസും ഗണപതി ഡീലക്‌സ് ബസുമാണ്‌ അപകടത്തിൽ പെട്ടത് .ഒഴുക്കില്‍പ്പെട്ട് കാണാതായ ബസുകള്‍ കണ്ടെത്താന്‍ തീവ്രശ്രമം നടത്തുകയാണെന്ന് അധികൃതർ അറിയിച്ചു .സംഭവത്തിൽ നേപ്പാൾ പ്രധാനമന്ത്രി പുഷ്പ കമാൽ ദഹൽ ദുഃഖം രേഖപ്പെടുത്തി .കനത്ത മഴയും മണ്ണിടിച്ചിലും രക്ഷാപ്രവര്‍ത്തനത്തിന്നു തടസ്സം സൃഷിക്കുന്നുണ്ട്.
