തൃശ്ശൂർ : റഷ്യന് സൈനിക സംഘത്തിനു നേരെയുണ്ടായ യുക്രൈന് ഷെല്ലാക്രമണത്തില് തൃക്കൂര് സ്വദേശി കൊല്ലപ്പെട്ടതായി വിവരം. കല്ലൂര് നായരങ്ങാടി സ്വദേശി കാങ്കില് ചന്ദ്രന്റെ മകന് സന്ദീപാണ് (36) ആണ് റഷ്യന് സൈന്യത്തോടൊപ്പമുണ്ടായിരുന്നത്.സന്ദീപ് ഉള്പ്പെട്ട 12 അംഗ റഷ്യന് പട്ടാള പട്രോളിങ് സംഘം കൊല്ലപ്പെട്ടതായാണ് ബന്ധുക്കള്ക്ക് വിവരം ലഭിച്ചത്.
ചാലക്കുടിയിലെ ഏജന്സി വഴി കഴിഞ്ഞ ഏപ്രില് രണ്ടിനാണ് സന്ദീപും മലയാളികളായ മറ്റ് ഏഴു പേരും മോസ്കോയില് റസ്റ്റോറന്റിലെ ജോലിക്കെന്നു പറഞ്ഞു റഷ്യയിലേക്ക് പോയത്.പിന്നീട് റഷ്യന് സൈനിക ക്യാമ്പിലെ കാന്റീനിലാണ് ജോലിയെന്നും സുരക്ഷിതനാണെന്നും സന്ദീപ് അറിയിച്ചിരുന്നു. സംഭവത്തില് എംബസിയില്നിന്നുള്ള ഔദ്യോഗിക സ്ഥിരീകരണം തിങ്കളാഴ്ച ലഭിക്കുമെന്ന് റഷ്യയിലെ മലയാളി സംഘടനകള് അറിയിച്ചു.
