ആലപ്പുഴ: വിജ്ഞാനകേരളം പദ്ധതിയുടെ ഭാഗമായി ഫെബ്രുവരി 21ന് തൊഴിൽമേള സംഘടിപ്പിക്കുന്നു. പുന്നപ്ര കാർമൽ കോളേജ് ഓഫ് എഞ്ചിനീയറിംഗ് ആൻഡ് ടെക്നോളജി, ചെങ്ങന്നൂർ കോളേജ് ഓഫ് എഞ്ചിനീയറിംഗ്, പുളിങ്കുന്ന് കൊച്ചിൻ യൂണിവേഴ്സിറ്റി കോളേജ് ഓഫ് എഞ്ചിനീയറിങ്, പുന്നപ്ര കോളേജ് ഓഫ് എഞ്ചിനീയറിങ് ആൻഡ് മാനേജ്മെന്റ്, ചേർത്തല കോളേജ് ഓഫ് എഞ്ചിനീയറിങ്, മാവേലിക്കര മാർ ഇവാനിയസ് ആർട്സ് ആൻഡ് സയൻസ് കോളേജ് എന്നിവിടങ്ങളിലെ സ്കിൽ ഡെലിവറി പ്ലാറ്റ്ഫോം കേരള (എസ്ഡിപികെ) സെന്ററുകൾ മുഖേന രാവിലെ 10 മണി മുതൽ വൈകിട്ട് അഞ്ചുവരെയാണ് വെർച്വൽ മേള ക്രമീകരിച്ചിട്ടുള്ളത്.
അന്നേ ദിവസം തന്നെ മാവേലിക്കര മാർ ഇവാനിയസ് ആർട്സ് ആൻഡ് സയൻസ് കോളേജിൽ 20ഓളം പ്രമുഖ കമ്പനികളുടെ നേരിട്ടുള്ള തൊഴിൽ മേളയും നടക്കും. ഹെൽത്ത് കെയർ അസിസ്റ്റൻറ്, ഹെൽത്ത് കെയർ നഴ്സ്, ഫിസിയോതെറാപ്പിസ്റ്റ് , മാർക്കറ്റിംഗ് എക്സിക്യൂട്ടീവ്, കസ്റ്റമർ കെയർ എക്സിക്യൂട്ടീവ്, എൻജിനീയർ, ഓഫീസ് സ്റ്റാഫ്, ടെലികോളർ, പ്രൊഡക്ഷൻ ട്രെയിനി, ഡ്രൈവർ, ഫിറ്റർ, തുടങ്ങി 52826 ഒഴിവുകളുണ്ട്.
ഗൾഫിൽ ഡ്രൈവർ, എ സി ടെക്നീഷ്യൻ, കാഷ്യർ, സെയിൽസ് എക്സിക്യൂട്ടീവ് ജോലികളിലായി 100ലധികം ഒഴിവുകളുമുണ്ട്. തൊഴിലന്വേഷകർക്ക് ഡിഡബ്ല്യുഎംഎസ് പോർട്ടൽ വഴി ഫെബ്രുവരി 20 വരെ അപേക്ഷിക്കാം. ഫോൺ: 9037048977.
