പത്തനംതിട്ട : നിയമസഭാ തിരഞ്ഞെടുപ്പിൽ പത്തനംതിട്ട ജില്ലയില് ഇതുവരെ 15 പത്രികകൾ സമര്പ്പിച്ചു. ഇന്നലെ സമര്പ്പിച്ചത് 14 പത്രികകളാണ് സമര്പ്പിച്ചത് .തിരുവല്ല നിയോജക മണ്ഡലത്തില് മൂന്നും കോന്നി നിയോജക മണ്ഡലത്തില് രണ്ടും ആറന്മുള, അടൂര്, റാന്നി നിയോജക മണ്ഡലത്തില് ഒന്നു വീതം സ്ഥാനാര്ഥികളാണ് പത്രിക നല്കിയത്.
തിരുവല്ല നിയോജക മണ്ഡലത്തില് ഇന്ത്യന് സോഷ്യലിസ്റ്റ് ജനതാദള് സ്ഥാനാര്ഥി മാത്യു ടി തോമസ് രണ്ട് സെറ്റും കേരള കോണ്ഗ്രസ് സ്ഥാനാര്ഥി അഡ്വ. വര്ഗീസ് മാമ്മന് രണ്ട് സെറ്റും ബിജെപി സ്ഥാനാര്ഥി അനൂപ് ആന്റണി ഒരു സെറ്റ് പത്രികയും വരണാധികാരിക്ക് മുമ്പാകെ സമര്പ്പിച്ചു.
കോന്നി നിയോജക മണ്ഡലത്തില് ഇന്ത്യന് നാഷണല് കോണ്ഗ്രസ് സ്ഥാനാര്ഥി സതീഷ് കൊച്ചുപറമ്പില് രണ്ട് സെറ്റ് പത്രിക വരണാധികാരിക്കും സി.പി.ഐ (എം) സ്ഥാനാര്ഥി കെ.യു ജനീഷ് കുമാര് ഒരു സെറ്റ് പത്രിക ഉപവരണാധികാരിക്ക് മുമ്പാകെയും സമര്പ്പിച്ചു. ആറന്മുള നിയോജക മണ്ഡലത്തില് സി.പി.ഐ (എം) സ്ഥാനാര്ഥി വീണാ ജോര്ജ് ഒരു സെറ്റ് പത്രിക വരണാധികാരിക്ക് മുമ്പാകെ സമര്പ്പിച്ചു.
റാന്നി നിയോജക മണ്ഡലത്തില് കേരള കോണ്ഗ്രസ് (എം) സ്ഥാനാര്ഥി അഡ്വ. പ്രമോദ് നാരായണ് മൂന്ന് സെറ്റ് പത്രിക ഉപവരണാധികാരിക്ക് മുമ്പാകെ സമര്പ്പിച്ചു. അടൂര് നിയോജക മണ്ഡലത്തില് സിപിഐ സ്ഥാനാര്ഥി പ്രിജി കണ്ണന് രണ്ട് സെറ്റ് പത്രിക സമര്പ്പിച്ചു.
