തിരുവല്ലയിൽ ടൂറിസ്റ്റ് ബസ് മറിഞ്ഞ് അ‍ഞ്ചുപേർക്ക് പരിക്ക്

തിരുവല്ല : തിരുവല്ലയിൽ തമിഴ്നാട് സ്വദേശികളായ തീർഥാടക സംഘം സഞ്ചരിച്ചിരുന്ന ടൂറിസ്റ്റ് ബസ് നിയന്ത്രണം വിട്ട് മറിഞ്ഞു. അഞ്ചുപേർക്ക് പരിക്കേറ്റു. ബസ് ഡ്രൈവർ അശോക് (42), ജോൺ(70), നിഖിൽ ആൻറണി(13), ആൽബർട്ട് ജൂഡ് ( 49), സ്റ്റെഫി ( 23) എന്നിവർക്കാണ് പരിക്കേറ്റത്. വ്യാഴാഴ്ച പുലർച്ചെ അഞ്ചേകാലോടെ തുകലശ്ശേരിയിൽ വച്ചാണ് അപകടം .എടത്വ പള്ളിയിലേക്ക് എത്തിയതായിരുന്നു തിരുനെൽവേലി സ്വദേശികൾ ആയ തീർത്ഥാടക സംഘം.പരിക്കേറ്റ അഞ്ചുപേരെ തിരുവല്ല പുഷ്പഗിരി ആശുപത്രിയിലും രണ്ടുപേരെ തിരുവല്ല താലൂക്ക് ആശുപത്രിയിലും പ്രവേശിപ്പിച്ചു .