ചങ്ങനാശ്ശേരി: പ്രശസ്ത സംഗീതജ്ഞനും സംഗീതസംവിധായകനും നടനുമായ എൽ.പി.ആർ. വർമയുടെ പേരിൽ, കലാ-സാംസ്കാരിക-സാമൂഹിക രംഗങ്ങളിൽ മികച്ച സംഭാവനകൾ നല്ലിയ വ്യക്തിത്വത്തിന് നല്കുന്ന നഗരസഭയുടെ പ്രഥമ അവാർഡിന് ചലച്ചിത്ര പിന്നണിഗായിക കെ. എസ്. ചിത്രയെ തിരഞ്ഞെടുത്തതായി ജൂറി ചെയർമാൻ ഡോ. റൂബിൾരാജ് അറിയിച്ചു.
50,000 രൂപയും പ്രശസ്തിപത്രവും ഫലകവുമാണ് അവാർഡ്. ഒൻപതിന് വൈകീട്ട് നാലിന് നഗരസഭ കോൺഫറൻസ് ഹാളിൽ നടക്കുന്ന ചടങ്ങിൽ മന്ത്രി പി.സി. വിഷ്ണുനാഥ് അവാർഡ് സമ്മാനിക്കും. നഗരസഭാ ചെയർമാൻ ജോമി ജോസഫ് അധ്യക്ഷത വഹിക്കും. സമ്മേളനാനന്തരം പിന്നണിഗായകർ പങ്കെടുക്കുന്ന എൽ.പി. ആർ. സായാഹ്നം സംഗീതപരിപാടിയും അരങ്ങേറുമെന്ന് സംഘാടകർ പറഞ്ഞു.
