ആറൻമുള: ഇടിഞ്ഞുവീണ ആറൻമുള ക്ഷേത്രത്തിന്റെ വടക്കെ ഗോപുരത്തോട് ചേർന്ന മതിലും ഗോപുരവും അടിയന്തിരമായി സംരക്ഷിക്കണമെന്ന് കേരള ക്ഷേത്രസംരക്ഷണ സമിതി പത്തനംതിട്ട ജില്ലാ കമ്മറ്റി ആവശ്യപ്പെട്ടു. തിരുവിതാംകൂർ ദേവസ്വം ബോർഡ് ഉദ്യോഗസ്ഥരുടെ അനാസ്ഥയാണ് ഇത്തരം സംഭവങ്ങൾ ആവർത്തിക്കാൻ കാരണം.
അറ്റകുറ്റ പണികൾക്കായി ഓടു പൊളിച്ചിട്ടിരിക്കുന്ന കിഴക്കേ ഗോപുരം ഈ മഴയിൽ കുതിർന്നു നിൽക്കുകയാണ്.കിഴക്കേ ഗോപുരത്തിന്റെ ഓടിടുന്ന ജോലികൾ യുദ്ധകാല അടിസ്ഥാനത്തിൽ തീർക്കുവാൻ സത്വര നടപടികൾ സ്വീകരിക്കണമെന്നും യോഗം ആവശ്യപ്പെട്ടു.
ജില്ലാ പ്രസിഡന്റ് എസ് ഹരികൃഷ്ണൻ അധ്യക്ഷത വഹിച്ച യോഗത്തിൽ സംസ്ഥാന സെക്രട്ടറി വി കെ ചന്ദ്രൻ ജില്ലാ സെക്രട്ടറി പി കെ രാജൻ ട്രഷറാർ സലികുമാർ എന്നിവർ പ്രസംഗിച്ചു.
