ആറന്മുള : ഉത്തൃട്ടാതി ജലോത്സവത്തിൽ പങ്കെടുക്കുന്ന പള്ളിയോടങ്ങളുടെ ഹീറ്റ്സ് തിരഞ്ഞെടുത്തു. 30നാണു പമ്പാനദിയിൽ ജലപ്പൂരമായ ഉത്തൃട്ടാതി ജലോത്സവം. ഉപരാഷ്ട്രപതി സി.പി.രാധാകൃഷ്ണൻ ജലോത്സവത്തിന് എത്തുമെന്നാണു അറിവ്. ഉച്ചയ്ക്ക് 1.30ന് അദ്ദേഹം ജലഘോഷയാത്ര ഉദ്ഘാടനം ചെയ്യും. വള്ളംകളി മത്സരം മന്ത്രി രമേശ് ചെന്നിത്തല ഉദ്ഘാടനം ചെയ്യും.
മന്ത്രി മോൻസ് ജോസഫ് എന്നിവർ ഉൾപ്പെടെയുള്ള ജനപ്രതിനിധികൾ പങ്കെടുക്കും. ഉച്ചയ്ക്കു 3 മുതലാണു വള്ളംകളി. അഷ്ടമിരോഹിണി വള്ളസദ്യ സെപ്റ്റംബർ 4നു ഗവർണർ രാജേന്ദ്ര ആർലേക്കർ ഉദ്ഘാടനം ചെയ്യും. തിരുവോണത്തോണി വരവ് തിരുവോണ നാളായ 26നാണ്.
ആറന്മുള പാർഥസാരഥി ക്ഷേത്രത്തിൽ ഇതുവരെ 183 സദ്യകൾ നടന്നു. ആകെ 545 വഴിപാട് വള്ളസദ്യകൾ ബുക്ക് ചെയ്തു. സ്പെഷൽ പാസ് സദ്യ 8,000 പേർ ഇതുവരെ പങ്കെടുത്തു. സെപ്റ്റംബർ 16 വരെ സീറ്റുകൾ മുഴുവനായി ബുക്ക് ചെയ്തു കഴിഞ്ഞതോടെ ബുക്കിങ് പൂർണമായി നിർത്തി. ധാരാളം ആളുകൾ സീറ്റിന് അന്വേഷണം തുടരുകയാണ്. ഇരുപതിനായിരം പേർ ഈ സീസണിൽ പങ്കെടുക്കും. കെഎസ്ആർടിസി 240 ട്രിപ്പുകളിൽ ആയി 10,000 പേർ സദ്യയിൽ പങ്കെടുത്തെന്നു പള്ളിയോട സേവാസംഘം പ്രസിഡന്റ് കെ.വി.സാംബദേവൻ പറഞ്ഞു.
