ലഡാക്കിൽ നദി മുറിച്ചു കടക്കുന്നതിനിടെ സൈനിക ടാങ്ക് അപകടത്തിൽപെട്ടു: അഞ്ച് സൈനികര്‍ക്ക് വീരമൃത്യു

ലഡാക്ക് : ലഡാക്കിൽ സൈനികാഭ്യാസത്തിനിടെ സൈനിക ടാങ്ക് ഒഴുക്കിൽപ്പെട്ട് 5 സൈനികർക്ക് വീരമൃത്യു. ദൗലത് ബേഗ് ഓൾഡിയിൽ നദി മുറിച്ചുകടക്കുന്നതിനിടെ ടി–72 ടാങ്ക് ഒഴുക്കിൽപ്പെട്ടായിരുന്നു അപകടം. അഞ്ച് മൃതദേഹങ്ങളും കണ്ടെടുത്തു.നദിയിൽ അപ്രതീക്ഷിതമായി ജലനിരപ്പുയർന്നതാണ് അപകട കാരണം. പുലര്‍ച്ചെ ഒന്നിനായിരുന്നു അപകടം.ഒരു ജൂനിയർ കമ്മിഷൻഡ് ഓഫിസറും നാല് ജവാന്മാരുമായിരുന്നു ടാങ്കിലുണ്ടായിരുന്നത്.