കോന്നി : പുനലൂർ – മൂവാറ്റുപുഴ സംസ്ഥാന പാതയിൽ ചൈനാ മുക്കിന് സമീപം കാറപകടം. തമിഴ്നാട് സ്വദേശിനിയായ വീട്ടമ്മയ്ക്ക് ദാരുണാന്ത്യം. ശനി രാത്രി 11.30 ന് ആയിരുന്നു അപകടം. നിയന്ത്രണം വിട്ട കാർ വൈദ്യുത തൂണിൽ ഇടിച്ചായിരുന്നു അപകടം നടന്നത്.
കന്യാകുമാരി സ്വദേശിനി സുമി കാർത്തിക (35) ആണ് മരിച്ചത്. സുമിയുടെ ഭർത്താവ് പ്രതീഷ് ആണ് കാർ ഓടിച്ചത്. ഇവരുടെ എട്ട് വയസുള്ള മകൻ, പ്രതീഷിൻ്റെ സഹോദരൻ പ്രകാശ്, ഭാര്യ സിന്ധു. ഇവരുടെ 10,5 വയസുള്ള മക്കൾ എന്നിവർക്കും പരുക്കേറ്റു. ഇവരെ കോന്നിയിലെ സ്വകാര്യ ആശുപത്രിയിൽ പ്രവേശിപ്പിച്ചു. എറണാകുളത്ത് വിനോദയാത്രക്ക് പോയി മടങ്ങി വരും വഴിയാണ് അപകടം നടന്നത്.
