റാന്നി : നിയന്ത്രണം വിട്ട കാർ വീടിനുള്ളിലേക്ക് ഇടിച്ചു കയറി അപകടം വീടിന് നാശനഷ്ടം. ആളപായമില്ല
ഇന്ന് പുലർച്ചെ 4 ന് ഉതിമൂട്ടിലാണ് അപകടം നടന്നത്. മംഗലത്ത് തോമസ് സാമുവലിൻ്റെ വീട്ടിലേക്കാണ് കാർ ഇടിച്ചു കയറിയത്. വീടിൻ്റെ മതിലിനും പോർച്ചിൽ കിടന്ന കാറിനും നാശനഷ്ടമുണ്ടായി. കോന്നി സ്വദേശി രാജേഷ് എന്ന ആളാണ് കാർ ഓടിച്ചിരുന്നതെന്ന് പൊലീസ് പറഞ്ഞു.
കശ്മീരിൽ നിന്നുള്ള യാത്രക്കാരെ കൊച്ചിയിൽ ഇറക്കിയ ശേഷം കോന്നിയിലേക്ക് വരും വഴിയാണ് അപകടം ഉണ്ടായത്. ഡ്രൈവർ ഉറങ്ങിപ്പോയതാകാം അപകടകാരണമെന്ന് പറയുന്നു.
ഇവിടെ അപകടം ഉണ്ടായ സ്ഥലത്തിന് സമീപം നേരത്തെയും സമാന രീതിയിൽ അപകടം നടന്നിട്ടുണ്ട്. ദീർഘദൂര യാത്ര കഴിഞ്ഞ് വരുന്ന വാഹനങ്ങളാണ് കൂടുതലായും അപകടത്തിൽ പെടുന്നതെന്ന് നാട്ടുകാർ പറഞ്ഞു
