കോന്നി : കോന്നി മെഡിക്കൽ കോളേജിൽ ചികിത്സാ പിഴവെന്ന് പരാതി .മെഡിക്കൽ കോളജിൽ ഒടിഞ്ഞ കൈക്ക് ചികിത്സ തേടിയ 14 കാരന്റെ കൈ വളഞ്ഞു പോയെന്നാണ് ആരോപണം .കോന്നി അരുവാപ്പുലം സ്വദേശികളുടെ മകൻ തൻസീറിന്റെ കയ്യാണ് രണ്ടരമാസത്തെ ചികിത്സയ്ക്ക് ശേഷം വളഞ്ഞത്.
നവംബറിലാണ് തൻസീറിനറെ കൈ ഒടിഞ്ഞത്.ഓർത്തോ മേധാവിയുടെ നേതൃത്വത്തിൽ കയ്യിൽ ശസ്ത്രക്രിയ നടത്തുകയും പ്ലാസ്റ്റർ ഇട്ടുകയും ചെയ്തു. ഫെബ്രുവരി 2 ന് പ്ലാസ്റ്റർ മാറ്റിയപ്പോൾ കൈ വളഞ്ഞു പോയെന്നാണ് പരാതി. പിന്നീട് കുട്ടിയെ സ്വകാര്യ ആശുപത്രിയിൽ കൊണ്ടുപോയി കൈക്ക് വീണ്ടും ശസ്ത്രക്രിയ ചെയ്യേണ്ടിവന്നു. മെഡിക്കൽ കോളേജിലെ ചികിത്സാ പിഴവ് ആരോപിച്ച് കുടുംബം കോന്നി പൊലീസിൽ പരാതി നൽകി.
എന്നാൽ, സംഭവം ചികിത്സാ പിഴവ് അല്ലെന്നും കുട്ടികളുടെ ചില കേസുകളിൽ ഇങ്ങനെ സംഭവിക്കാറുണ്ടെന്നും മെഡിക്കൽ കോളജ് സൂപ്രണ്ട് പ്രതികരിച്ചു.
