ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ഇന്ന് ഇന്ത്യയിലെത്തും

ന്യൂഡൽഹി : ത്രിദിന സന്ദർശനത്തിനായി ഫ്രഞ്ച് പ്രസിഡന്റ് ഇമ്മാനുവൽ മാക്രോൺ ഇന്ന് ഇന്ത്യയിലെത്തും. ഫെബ്രുവരി 16 മുതൽ 19 വരെ നീണ്ടുനിൽക്കുന്ന ഔദ്യോഗിക സന്ദർശനത്തിനെത്തുന്ന അദ്ദേഹം നാളെ മുംബൈയിൽ വച്ച് പ്രധാനമന്ത്രി നരേന്ദ്രമോദിയുമായി ഉഭയകക്ഷി ചർച്ചകൾ നടത്തും. ഇരുനേതാക്കളും സംയുക്തമായി ‘ഇന്ത്യ-ഫ്രാൻസ് നവീകരണ വർഷം 2026’ ഉദ്ഘാടനം ചെയ്യും.തുടര്‍ന്ന് ന്യൂഡല്‍ഹിയില്‍ വച്ച് നടക്കുന്ന എഐ ഇംപാക്‌ട് ഉച്ചകോടിയില്‍ മാക്രോണ്‍ പങ്കെടുക്കും.പ്രസിഡന്റിനൊപ്പം ഭാര്യയും ഫ്രാൻസിന്റെ പ്രഥമ വനിതയുമായ ബ്രിജിറ്റ് മാക്രോണും ഉണ്ടാകും.