ന്യൂഡൽഹി: എൽപിജിയും ഊർജ്ജ പ്രതിസന്ധിയും സംബന്ധിച്ച ലോക്‌സഭയിലെ ചർച്ചയ്‌ക്കിടെ കേന്ദ്ര ധനമന്ത്രി നിർമ്മല സീതാരാമൻ പ്രതിപക്ഷത്തിനെതിരെ രൂക്ഷ വിമർശനവുമായി രംഗത്തെത്തി. രാജ്യത്തെ ഏത് അപ്രതീക്ഷിത സാഹചര്യത്തെയും നേരിടാൻ സർക്കാർ പൂർണ്ണമായും സജ്ജമാണെന്നും എന്നാൽ ഗൗരവമേറിയ ചർച്ചകൾ കേൾക്കുന്നതിനുപകരം പാർലമെന്റിൽ പ്രതിപക്ഷം ബഹളം സൃഷ്ടിക്കുന്ന തിരക്കിലാണെന്നും ധനമന്ത്രി തുറന്നടിച്ചു.
ലോക്സഭയിൽ സംസാരിക്കവെ, വിതരണ ശൃംഖലയിലെ തടസ്സങ്ങൾ, എൽപിജിയുടെ ലഭ്യത തുടങ്ങിയ പ്രധാന വിഷയങ്ങളിൽ സർക്കാർ തങ്ങളുടെ തയ്യാറെടുപ്പ് വിശദീകരിക്കുമ്പോൾ പ്രതിപക്ഷം ഇപ്പോഴും അത് കേൾക്കാൻ തയ്യാറായില്ല എന്നത് വിരോധാഭാസമാണെന്ന് ധനമന്ത്രി കൂട്ടിച്ചേർത്തു.
അവർ സ്വന്തം അജണ്ട പിന്തുടരാൻ ആഗ്രഹിക്കുന്നു. അവർ പാർലമെന്റിന്റെ പടികളിൽ ഇരുന്ന് ചായ കുടിക്കുന്നു, എൽപിജിയെക്കുറിച്ച് സംസാരിക്കുന്നു. ഇതാണ് ഞങ്ങളുടെ പ്രതിപക്ഷമെന്നും മന്ത്രി പറഞ്ഞു.
