തിരുവനന്തപുരം : തിരുവനന്തപുരം നഗരസഭയില് കെട്ടിട ക്രമവൽക്കരണ ഫീസും വസ്തുനികുതിയും അടയ്ക്കുന്നതിനായി വ്യാജ രേഖകള് സമര്പ്പിച്ച സംഭവത്തില് പോലീസ് അന്വേഷണം ആവശ്യപ്പെട്ട് മേയര് അഡ്വ. വി.വി. രാജേഷ് തിരുവനന്തപുരം സിറ്റി പോലീസ് കമ്മീഷണര്ക്ക് പരാതി നല്കി.സെപ്റ്റംബർ 20-നാണ് മേയർ ഇത് സംബന്ധിച്ച കത്ത് നൽകിയത്.
നേമം സോണൽ ഓഫീസിൽ മന്സൂര് എ.ആര്. എന്നയാളുടെ പേരില് കെട്ടിട ക്രമവൽക്കരണ ഫീസും വസ്തുനികുതിയും അടയ്ക്കുന്നതിനായി ഹാജരാക്കിയ കെട്ടിട സര്ട്ടിഫിക്കറ്റും ക്രമവല്ക്കരണ ഫീസ് രസീതും വ്യാജമാണെന്ന് കണ്ടെത്തുകയായിരുന്നു. പ്രസ്തുത കെട്ടിടത്തിന്റെ യഥാര്ഥ നികുതിദായക രാജേശ്വരി എന്നയാളാണെന്ന് വ്യക്തമായതിനെ തുടർന്നാണ് രേഖകൾ വ്യാജമാണെന്ന സംശയമുയർന്നത്. മറ്റ് ഇടങ്ങളിൽ ഈ തട്ടിപ്പ് നടന്നോ എന്നും അന്വേഷിക്കണമെന്ന് മേയർ ആവശ്യപ്പെട്ടിട്ടുണ്ട്.
