തിരുവല്ല/കുറ്റൂർ : ദേശീയ സേവാഭാരതി കേരളം കെ ചിറ്റിലപ്പിള്ളി ഫൌണ്ടേഷന്റെ സഹകരണത്തോടെ തല ചായ്ക്കാനൊരിടം എന്ന പദ്ധതിയിലൂടെ നിർമ്മിച്ച വീടിന്റെ താക്കോൽദാനവും ഗൃഹ പ്രവേശവും നടന്നു. കല്ലൂർകുളം തൈമറവുംകര കൊച്ചുപൊയ്കയിൽ വീട്ടിൽ കെ.എസ് ലത ദേവിക്കും കുടുംബത്തിനും നിർമ്മിച്ച വീടിന്റെ താക്കോൽദാനം ദേശീയ സേവാഭാരതി പത്തനംതിട്ട ജില്ലാ പ്രസിഡന്റ് അഡ്വ. ഡി അശോക് കുമാർ നിർവ്വഹിക്കും.
തിരുവല്ല ജോയിന്റ് ആർ ടി ഒ ഡാനിയേൽ സ്റ്റീഫൻ ചടങ്ങ് ഉദ്ഘാടനം ചെയ്യ്തു. കുറ്റൂർ സേവാഭാരതി പ്രസിഡന്റ് സുധീപ് തോട്ടുങ്കൽ അധ്യക്ഷത വഹിച്ചു. മംഗളപത്ര സമർപ്പണം സംസ്ഥാന മീഡിയ കോർഡിനേറ്റർ ജി ശ്രീകുമാർ നിർവഹിച്ചു. കുറ്റൂർ സേവാഭാരതി സെക്രട്ടറി സുരേഷ് കുമാർ സ്വാഗതവും, വൈസ് പ്രസി. ഗോപകുമാർ ക്യതഞ്ജതയും പറഞ്ഞു.
