മരണത്തിൽ ഗൂഢാലോചന ഉണ്ടായെന്ന് പറഞ്ഞിട്ടില്ല ; പ്രസ്‌താവന വളച്ചൊടിച്ചു : എ കെ ശശീന്ദ്രൻ

തിരുവനന്തപുരം : നിലമ്പൂരിൽ പന്നിക്കുവെച്ച കെണിയിൽനിന്ന് വിദ്യാർഥി ഷോക്കേറ്റ് മരിച്ചതിന് പിന്നിൽ ഗൂഢാലോചനയുണ്ടെന്ന് പറഞ്ഞിട്ടില്ലെന്ന് വനംമന്ത്രി എ കെ ശശീന്ദ്രൻ .തിരഞ്ഞെടുപ്പ് മുന്നിൽ കണ്ട് രാഷ്ട്രീയ മുതലെടുപ്പ് നടത്താൻ ഗൂഢാലോചന നടന്നതായി സംശയമുണ്ടെന്നാണ് പറഞ്ഞത് .പ്രതിഷേധത്തിൽ രാഷ്ട്രീയമുണ്ടെന്നാണ് ഉദ്ദേശിച്ചത്. തന്റെ പ്രസ്‌താവന മാധ്യമങ്ങൾ വളച്ചൊടിച്ചു. തന്നെ ഒറ്റപ്പെടുത്തി ആക്രമിക്കാനുള്ള ശ്രമമാണ് നടക്കുന്നതെന്നും മന്ത്രി ആരോപിച്ചു .