ബാങ്ക് ജീവനക്കാരിയായ ഭാര്യയെ ബാങ്കിൽ ചെന്ന് ഭര്‍ത്താവ് വെട്ടി

കണ്ണൂർ : ബാങ്ക് ജീവനക്കാരിയായ ഭാര്യയെ ബാങ്കില്‍ കയറി ഭര്‍ത്താവ് വെട്ടി. എസ്ബിഐ പൂവ്വം ശാഖാ കാഷ്യറായ അരങ്ങം സ്വദേശി അനുപമയെയാണ് ഭർത്താവ് അനുരൂപ് വെട്ടിയത്. ഉച്ചയ്‌ക്ക് 3.30ഓടെയായിരുന്നു ആക്രമണം. ഗുരുതര പരിക്കേറ്റ അനുപമ തളിപ്പറമ്പ് ആശുപത്രിയില്‍ ചികിത്സയിലാണ്. അനുരൂപിനെ നാട്ടുകാർ പിടികൂടി കെട്ടിയിട്ട് ശേഷം പൊലീസിന് കൈമാറി.കുടുംബ പ്രശ്‌നമാണ് അക്രമത്തിന് പിന്നിലെന്നാണ് വിവരം.