തിരുവല്ല: സക്ഷമ തിരുവല്ല താലൂക്കിന്റെ ആഭിമുഖ്യത്തിൽ സൂർദാസ് ജയന്തി ആഘോഷിച്ചു. തിരുവല്ല അമ്പിളി ജംഗ്ഷനിലെ നഗരസഭ പാർക്കിൽ നടന്ന ആഘോഷം തിരുവല്ല സർവീസ് സഹകരണ ബാങ്ക് പ്രസിഡണ്ട് അഡ്വ ഹരികൃഷ്ണൻ ഉദ്ഘാടനം ചെയ്തു. കെ പി അനിഴകുമാർ അധ്യക്ഷത വഹിച്ചു.
സക്ഷമാ സംസ്ഥാന സെക്രട്ടറി ഓ. ആർ ഹരിദാസ് മുഖ്യപ്രഭാഷണം നടത്തി. രാധാകൃഷ്ണൻ വേണാട്ട്, നഗരസഭ കൗൺസിലർ ശ്രീനിവാസ് പുറയാറ്റ് എന്നിവർ പ്രസംഗിച്ചു. ദിവ്യാംഗ കലാകാരന്മാരെ വിനു കണ്ണഞ്ചിറ ആദരിച്ചു.
സക്ഷമ തിരുവല്ല താലൂക്ക് സമിതി രൂപീകരിച്ചു – കെ.പി അനിഴകുമാർ, (പ്രസിഡണ്ട്), പി കെ ഗോപിദാസ് (സെക്രട്ടറി), വിനോജ് (ട്രഷറർ), രാജീവ് ആർ (ഉപാദ്ധ്യക്ഷൻ) രവികുമാർ, ഹരിക്കുട്ടൻ (ജോയിൻ്റ് സെക്രട്ടറി).
