മലപ്പുറം : കേരളത്തിൻ്റെ കുംഭമേള എന്നറിയപ്പെടുന്ന മഹാമാഘ മഹോത്സവം നിളാ തീരത്ത് ആരംഭിച്ചു.ഗവർണർ രാജേന്ദ്ര വിശ്വനാഥ് ആർലേക്കർ ധ്വജാരോഹണം നടത്തി. ഇന്നു മുതൽ ഫെബ്രുവരി മൂന്ന് വരെ മഹോത്സവം നീണ്ടുനിൽക്കും. ദക്ഷിണേന്ത്യൻ സംസ്ഥാനങ്ങളിൽ നിന്നുള്ള സന്യാസിമാരും വിശ്വാസികളും ഇന്നലെ വൈകുന്നേരത്തോടെ തിരുനാവായയിൽ എത്തി തുടങ്ങി. മാഘ ഗുപ്ത നവരാത്രി ആരംഭദിനമായ ഇന്നു രാവിലെ മുതൽ നിള സ്നാനം ആരംഭിച്ചു
ഇന്നു വൈകിട്ട് കാശിയിലെ പണ്ഡിറ്റുമാരുടെ നേതൃത്വത്തിൽ നിളാ ആരതി തുടങ്ങും. കുംഭമേള അവസാനിക്കുന്ന ഫെബ്രുവരി 3 വരെ എല്ലാ ദിവസവും വൈകിട്ട് നിളാ ആരതി നടക്കും.തമിഴ്നാട്ടിലെ ത്രിമൂർത്തി മലയിൽനിന്ന് ഭാരതീയധർമ പ്രചാരസഭ ആചാര്യൻ യതീശാനന്ദനാഥൻ നയിക്കുന്ന ശ്രീചക്രവുമായുള്ള രഥയാത്ര 22ന് വൈകിട്ട് തിരുനാവായയിലെത്തിച്ചേരും.
