Sunday, June 22, 2025
No menu items!

subscribe-youtube-channel

HomeNewsമേരാ യുവ...

മേരാ യുവ ഭാരത് – സിവിൽ ഡിഫൻസ് വളണ്ടിയർമാരാകാൻ അവസരം മൈ ഭാരത് പോർട്ടലിൽ രജിസ്ട്രേഷൻ ആരംഭിച്ചു

തിരുവനന്തപുരം : കേന്ദ്ര യുവജനകാര്യ-കായിക മന്ത്രാലയത്തിന് കീഴിലെ മേരാ യുവ ഭാരത് സംരംഭത്തിൽ സിവിൽ ഡിഫൻസ് വളണ്ടിയർമാരാകാൻ യുവജനങ്ങളെ ക്ഷണിക്കുന്നു. അടിയന്തര സാഹചര്യങ്ങളിലും പ്രതിസന്ധി ഘട്ടങ്ങളിലും നിർണായക പങ്കുവഹിക്കാൻ യുവ പൗരന്മാരെ ശാക്തീകരിക്കുന്നതിനുള്ള ഒരു സംയോജിത ശ്രമത്തിന്റെ ഭാഗമാണിത്. പ്രകൃതിദുരന്തങ്ങൾ, അപകടങ്ങൾ, പൊതു അടിയന്തരാവസ്ഥകൾ, മറ്റ് അപ്രതീക്ഷിത സാഹചര്യങ്ങൾ എന്നിവയിൽ സിവിൽ ഭരണകൂടത്തെ സഹായിക്കാൻ കഴിയുന്ന മികച്ച പരിശീലനം ലഭിച്ച, പ്രതികരണശേഷിയുള്ള, കരുത്തുറ്റ ഒരു സന്നദ്ധസേനയെ കെട്ടിപ്പടുക്കുക എന്നതാണ് ഈ സംരംഭത്തിന്റെ ലക്ഷ്യം.

രക്ഷാപ്രവർത്തനം, ഒഴിപ്പിക്കൽ പ്രവർത്തനങ്ങൾ, പ്രഥമശുശ്രൂഷ, അടിയന്തര പരിചരണം, ഗതാഗത പരിപാലനം, ജനക്കൂട്ട നിയന്ത്രണം, പൊതു സുരക്ഷ, ദുരന്ത പുനരധിവാസ പ്രവർത്തനം, ​ഗവണ്മെൻ്റ് ഏജൻസികളെയും തദ്ദേശ സ്വയംഭരണ സ്ഥാപനങ്ങളെയും സഹായിക്കൽ എന്നിവ ഇതിൽ ഉൾപ്പെടുന്നു. ദേശീയ, സംസ്ഥാന ദുരന്ത നിവാരണ ഏജൻസികളുമായി ചേർന്ന് വളണ്ടിയർമാർക്ക് ഒരാഴ്ച്ചത്തെ വിദഗ്ദ്ധ പരീശീലനം നൽകും.

മൈ ഭാരത് യുവ വളണ്ടിയർമാർക്കും മറ്റ് തല്പരരായ യുവ പൗരന്മാർക്കും മൈ ഭാരത് സിവിൽ ഡിഫൻസ് വളണ്ടിയർമാരായി രജിസ്റ്റർ ചെയ്യാൻ സാധിക്കും. ഈ സംരംഭം യുവജനങ്ങളിൽ ശക്തമായ ഉത്തരവാദിത്തബോധവും അച്ചടക്കവും വളർത്തുക മാത്രമല്ല, നിർണായക സാഹചര്യങ്ങളിൽ വേഗത്തിൽ പ്രവർത്തിക്കാനും ജീവൻ രക്ഷിക്കാനുമുള്ള പ്രായോഗിക പരിശീലനവും കഴിവുകളും വളർത്തി അവരെ സജ്ജരാക്കുകയും ചെയ്യുന്നു. സെൽഫ് ഡിഫെൻസ് വളണ്ടിയർമാരായി മൈ ഭാരത് പോർട്ടലിൽ https://mybharat.gov.in ൽ രജിസ്റ്റർ ചെയ്യാം. കൂടുതൽ വിവരങ്ങൾക്ക് തിരുവനന്തപുരം ജില്ലാ യൂത്ത് ഓഫീസറുമായി ബന്ധപ്പെടാം. ഫോൺ: 9945038684 , 9526855487

- Advertisment -

RELATED ARTICLES
Advertisment

- Advertisement -

പ്രതിസന്ധികളെ അതിജീവിക്കുവാൻ ശക്തിയാർജിക്കണം- റവ. ബോബി മാത്യു

തിരുവല്ല : നാം ജീവിക്കുന്ന കാലഘട്ടത്തിന്റെ പ്രതിസന്ധികളെ അതിജീവിക്കുവാനും പ്രലോഭനങ്ങളെ ചെറുത്തുതോൽപ്പിക്കുവാനുമുള്ള കഴിവ് വചന കേൾവിയിലൂടെ സാധ്യതമാകണമെന്ന് തിരുവല്ല വിജയ ഇന്റർനാഷണൽ കൺവൻഷൻ സെന്ററിൽ നടന്ന ക്നാനായ കൺവൻഷൻ രണ്ടാം ദിവസം വചന...

നടൻ കൂട്ടിക്കൽ ജയചന്ദ്രന്റെ അറസ്റ്റ് സുപ്രീംകോടതി തടഞ്ഞു

ന്യൂഡൽഹി : നാലുവയസ്സുകാരിയെ പീഡിപ്പിച്ചെന്ന കേസിൽ പ്രതി ചേർക്കപ്പെട്ട നടൻ കൂട്ടിക്കല്‍ ജയചന്ദ്രന്റെ അറസ്റ്റ് തടഞ്ഞ് സുപ്രീം കോടതി. നടൻ നൽകിയ മുൻകൂർ ജാമ്യ ഹർജിയിൽ തീർപ്പ് കൽപ്പിക്കുന്നത് വരെ അറസ്റ്റ് ചെയ്യരുതെന്നാണ്...
- Advertisment -

Most Popular

- Advertisement -