ആലപ്പുഴ: മോട്ടോര്വാഹന വകുപ്പില് നിന്ന് പൊതുജനങ്ങള്ക്ക് നല്കുന്ന എല്ലാ സേവനങ്ങളും മാര്ച്ച് ഒന്ന് മുതല് ആധാര് അധിഷ്ഠിതമാക്കുന്നതിന്റെ ഭാഗമായി എല്ലാ വാഹന ഉടമകളുടെയും ആധാര് അധിഷ്ഠിത മൊബൈല് നമ്പര് പരിവാഹനില് ഉള്പ്പെടുത്തേണ്ടതാണ്. ഇതുവരെ ഉള്പ്പെടുത്താത്തവര് എത്രയും വേഗം സ്വന്തമായോ ഇ സേവ, അക്ഷയ കേന്ദ്രങ്ങള് വഴിയോ മൊബൈല് നമ്പര് പരിവാഹനില് ഉള്പ്പെടുത്തണമെന്ന് കുട്ടനാട് ജോയിന്റ് റീജിയണല് ട്രാന്സ്പോര്ട്ട് ഓഫീസര് അറിയിച്ചു.
മൊബൈല് നമ്പര് അപ്ഡേറ്റ് ചെയ്യാന് കഴിയാത്ത വാഹന ഉടമകള് ആര് ടി ഒ, സബ് ആര് ടി ഒ കളില് ഫെബ്രുവരി 1 മുതല് 28 വരെ ഒരുക്കിയ സ്പെഷ്യല് കൗണ്ടറുകള് ഉപയോഗപ്പെടുത്തേണ്ടതാണ്.
