തിരുവല്ല: ഹൃദ്രോഗം, വൃക്കരോഗം, പ്രമേഹം തുടങ്ങിയ ജീവിതശൈലീ രോഗങ്ങൾക്കെതിരെയുള്ള പ്രതിരോധ പ്രവർത്തനങ്ങൾക്ക് പുതിയ ദിശാബോധം നൽകുന്ന കാർഡിയോ-കിഡ്നി-മെറ്റബോളിക് (CKM) നാഷണൽ കോൺക്ലേവിന്റെ ഉദ്ഘാടന ചടങ്ങ് ബിലീവേഴ്സ് ചർച്ച് മെഡിക്കൽ കോളേജ് ആശുപത്രിയിൽ നടന്നു. തിരുവല്ല എം എൽ എ അഡ്വ വർഗീസ് മാമ്മൻ ദേശീയ കോൺക്ലേവ് ഉദ്ഘാടനം ചെയ്തു. കേരളാ ആരോഗ്യ സർവകലാശാല സെനറ്റ് അംഗവും ബിലീവേഴ്സ് ആശുപത്രി മാനേജിംഗ് ഡയറക്ടറുമായ റവ. ഫാ. സിജോ പന്തപ്പള്ളിൽ അധ്യക്ഷത വഹിച്ചു.
ബിലീവേഴ്സ് ആശുപത്രി ഡയറക്ടറും സി ഇ ഒ യുമായ ഡോ. ജോർജ് ചാണ്ടി മറ്റീത്ര കാർഡിയോ കിഡ്നി മെറ്റബോളിക്ക് ഹെൽത്ത് എന്ന ആശയത്തെക്കുറിച്ച് വിഷയാവതരണം നടത്തി. നാം കഴിക്കുന്ന ഭക്ഷണത്തിന്റെ അളവും പോഷകഗുണവും കൃത്യമായി നിശ്ചയിക്കാൻ കഴിയുന്ന ‘ഹെൽത്ത് റീസെറ്റ് പ്ലേറ്റ്’ എന്ന പേരിൽ ബിലീവേഴ്സ് ആശുപത്രിയിലെ ഡോക്ടർമാരുടെ ഗവേഷണ ഫലമായുണ്ടായ പ്ലേറ്റും ലോഗോയും ചടങ്ങിൽ പ്രകാശനം ചെയ്തു.
വേൾഡ് എൻ.സി.ഡി ഫെഡറേഷൻ പ്രസിഡന്റ് ഡോ. ജെ. എസ്. താക്കൂർ, നോൺ കമ്മ്യൂണിക്കബിൾ ഡിസീസസ് ലോകാരോഗ്യ സംഘടന കൺസൾട്ടൻ്റായ ഡോ ദീനദയാലൻ സി, നെഫ്രോളജി വിഭാഗം മേധാവി ഡോ രാജേഷ് ജോസഫ്, ക്ലിനിക്കൽ ന്യൂട്രിഷൻ ആൻഡ് ഡയറ്റെറ്റിക്സ് വിഭാഗം മേധാവി ഡോ. ജ്യോതി എസ്. കൃഷ്ണൻ, നെഫ്രോളജി വിഭാഗം സീനിയർ കൺസൾട്ടൻ്റുമാരായ ഡോ ഇ ടി അരുൺ തോമസ്, ഡോ ഷംനാദ് പി , എൻ.ആർ.സി-എൻ.സി.ഡി എക്സിക്യൂട്ടീവ് ഡയറക്ടർ ശ്രീ ജോൺസൺ ഇടയാറൻമുള എന്നിവർ പങ്കെടുത്തു.
