തിരുവല്ല: അധ്യാപക വിദ്യാഭ്യാസ രംഗത്ത് ഒരു പുതിയ ചരിത്രത്തിന് തുടക്കം കുറിച്ചു കോളേജ് ഓഫ് ടീച്ചർ എജുക്കേഷൻ, പായിപ്പാട് പ്ലേസ്മെന്റ് സെല്ലിന്റെ ആഭിമുഖ്യത്തിൽ ടീച്ചിംഗ് ഗ്ലോബൽ മീറ്റ് 2026 – അന്താരാഷ്ട്ര തൊഴിലവസര സെമിനാർ 27-ന് ഉച്ചക്ക് രണ്ടിന് പായിപ്പാട് കോളേജ് ഓഫ് ടീച്ചർ എജുക്കേഷൻ അസംബ്ലി ഹാളിൽ നടക്കും. ഇന്ത്യൻ ജേണലിസ്റ്റ്സ് യൂണിയൻ ദേശീയ എക്സിക്യൂട്ടീവ് അംഗം ബാബു തോമസ് ഉദ്ഘാടനം ചെയ്യും. പായിപ്പാട് കോളേജ് ഓഫ് ടീച്ചർ എഡ്യൂക്കേഷൻ പ്രിൻസിപ്പൽ ഡോ. രാജീവ് പുലിയൂർ അധ്യക്ഷനാകും.
യു.എ.ഇ വിദ്യാഭ്യാസ മന്ത്രാലയം മുൻ ഫാക്കൽറ്റി ഡഗ്ലസ് ജോസഫ് സെമിനാർ നയിക്കും. ഇന്ത്യയിലും വിദേശരാജ്യങ്ങളിലുമായി അധ്യാപകർക്കായി ലഭ്യമായിട്ടുള്ള വിപുലമായ തൊഴിൽ സാധ്യതകളെക്കുറിച്ച് വിദ്യാർത്ഥികളെയും അധ്യാപകരെയും പരിചയപ്പെടുത്തുകയും, വിദേശ തൊഴിൽ നേടുന്നതിനാവശ്യമായ തയ്യാറെടുപ്പുകൾ പഠനകാലത്തുതന്നെ ആരംഭിക്കുന്നതിനുള്ള മാർഗനിർദ്ദേശം നൽകുകയും ചെയ്യുക എന്നതാണ് ലക്ഷ്യം.
കോളേജിലെ നിലവിലെ വിദ്യാർത്ഥികൾക്കൊപ്പം, പൂർവ്വ വിദ്യാർത്ഥികൾ, മറ്റ് ബിഎഡ് കോളേജ് വിദ്യാർത്ഥികൾ, പഠനം പൂർത്തിയാക്കിയവർ, വിവിധ സ്കൂൾ അധ്യാപകർ എന്നിവർക്കും പങ്കെടുക്കാം. രജിസ്ട്രേഷൻ സൗജന്യമാണ്. പങ്കെടുക്കാൻ താൽപര്യമുള്ളവർ https://docs.google.com/forms/
രജിസ്ട്രേഷൻ പൂർത്തിയാക്കിയവർക്ക് എൻടി പാസ് ഇ-മെയിൽ മുഖേന ലഭിക്കും. ആദ്യം രജിസ്റ്റർ ചെയ്യുന്ന 150 പേർക്കു മാത്രമായിരിക്കും പ്രവേശനമെന്ന് കോളേജ് ഓഫ് ടീച്ചർ എജുക്കേഷൻ പ്ലേയ്സ്മെൻ്റ് സെൽ കോ ഓഡിനേറ്റർ ഡോ. പ്രിജിമോൾ അഗസ്റ്റിൻ അറിയിച്ചു. ഫോൺ -8547616174.
