പാലക്കാട് : നെൻമാറ ഇരട്ടക്കൊലപാതക കേസിലെ പ്രതി ചെന്താമരയെ ബുധനാഴ്ച വൈകിട്ട് നാലുമണിക്ക് മജിസ്ട്രേറ്റിന്റെ ചേംബറില് ഹാജരാക്കും. തിങ്കളാഴ്ച കസ്റ്റഡി അപേക്ഷ നല്കും.സുധാകരനുമായി തലേദിവസമുണ്ടായ തർക്കമാണ് കൊലപാതകത്തിന് കാരണമായതെന്നാണ് പ്രതി മൊഴി നൽകിയിരിക്കുന്നത്. വൈദ്യപരിശോധനയില് ഇയാൾ വിഷം കഴിച്ചിട്ടില്ലെന്ന് വ്യക്തമായിട്ടുണ്ട്.
ചൊവ്വാഴ്ച രാത്രി 10.30-ഓടെ വീട്ടിലേക്കുവരുന്ന വഴിയിലാണ് പ്രതിയെ പോലീസ് പിടികൂടിയത്. ജനരോഷം ശക്തമായതോടെ പ്രതിയെ നെന്മാറ സ്റ്റേഷനില് നിന്ന് ആലത്തൂര് ഡി.വൈ.എസ്.പി ഓഫീസിലേക്ക് മാറ്റി.പാലക്കാട് എസ് പി യുടെ നേതൃത്വത്തിൽ ഇയാളെ ചോദ്യം ചെയ്തുകൊണ്ടിരിക്കുകയാണ്.
