പത്തനംതിട്ടയിൽ നവജാതശിശു മരിച്ച കേസ് : അമ്മയ്‌ക്കെതിരെ കൊലക്കുറ്റം ചുമത്തും

പത്തനംതിട്ട : മെഴുവേലിയിൽ നവജാതശിശു മരിച്ചതിൽ അമ്മയ്ക്കെതിരെ കൊലക്കുറ്റം ചുമത്തും.അവിവാഹിതയായ 21 കാരി ആശുപത്രി വിട്ടാൽ ഉടൻ അറസ്റ്റ് ചെയ്യും.വീട്ടിൽ വച്ച് പ്രസവിച്ച ശേഷം ചേമ്പിലയിൽ പൊതിഞ്ഞ് വലിച്ചെറിഞ്ഞപ്പോൾ തലയ്ക്ക് അടിയേറ്റ് പെൺകുഞ്ഞ് മരിച്ചെന്നാണ് കണ്ടെത്തൽ.യുവതിയുടെ കാമുകനെയും വിശദമായി ചോദ്യം ചെയ്യും. യുവതി ഇപ്പോൾ അമിത രക്തസ്രാവത്തെത്തുടർന്ന് ആശുപത്രിയിൽ ചികിത്സയിലാണ്.