എറണാകുളം : പൊലീസ് കാന്റീന് കാര്‍ഡ് എസ്ഡിപിഐ സംസ്ഥാന നേതാവിന് നല്‍കിയ പെരുമ്പാവൂരിലെ സ്പെഷ്യല്‍ ബ്രാഞ്ച് ഉദ്യോഗസ്ഥന് സസ്പെന്ഷന്. എഎസ്ഐ സലീമിനെയാണ് എറണാകുളം റൂറല്‍ എസ്പി സസ്പെന്‍ഡ് ചെയ്തത്.
പെരുമ്പാവൂര്‍ പൊലീസ് കാന്‍റീനിൽ എഎസ്ഐ സലിമിന്‍റെ കാര്‍ഡുമായി എത്തിയ എസ്ഡിപിഐ സംസ്ഥാന സമിതി അംഗം വി.കെ. ഷൗക്കത്തലി സാധനങ്ങൾ വാങ്ങിയിരുന്നു. സംശയം തോന്നിയ കാന്റീന് ജീവനക്കാര്‍ റൂറല്‍ എസ്പിയെ വിവരം അറിയിച്ചു.എസ്പിയുടെ അന്വേഷണത്തെ തുടർന്ന് പോലീസ് കാർഡ് ദുരുപയോഗം ചെയ്ത സലീമിനെ സസ്‌പെൻഡ് ചെയ്യുകയായിരുന്നു.
