കോഴിക്കോട് : മികച്ച സേവനപ്രവർത്തകർക്കുള്ള ബിജെപി മുൻ സംഘടനാ ജനറൽ സെക്രട്ടറി പി.പി. മുകുന്ദന്റെ പേരിലുള്ള പ്രഥമ സേവാ പുരസ്കാരം കേന്ദ്രമന്ത്രി സുരേഷ് ഗോപിക്ക്. 25,000 രൂപയും പ്രശസ്തി പത്രവും അടങ്ങുന്നതാണ് പുരസ്കാരം. 13ന് രാവിലെ 11ന് കല്ലായി റോഡിലുള്ള സ്നേഹാഞ്ജലി ഓഡിറ്റോറിയത്തിൽ വന്ദേ മുകുന്ദം പരിപാടിയിൽ ഗോവ ഗവർണർ പി.എസ്. ശ്രീധരൻ പിള്ള അവാർഡ് സമ്മാനിക്കും.
സാമൂഹിക സേവനരംഗത്ത് രാഷ്ട്രീയത്തിനതീതമായ സേവനം കാഴ്ചവച്ചതിനാലാണ് സുരേഷ് ഗോപിയെ പുരസ്കാരത്തിന് തെരഞ്ഞെടുത്തതെന്ന് പി.പി. മുകുന്ദൻ അനുസ്മരണ സമിതി ഭാരവാഹികൾ അറിയിച്ചു.
