തിരുവനന്തപുരം : സംസ്ഥാനത്തെ ബാറുകളുടെ പ്രവർത്തനസമയം രാത്രി 10 വരെ പരിമിതപ്പെടുത്തണമെന്ന ആവശ്യം ശക്തമാകുന്നു. യുഡിഎഫ് സർക്കാരിൻ്റെ മദ്യനയം സംബന്ധിച്ച് തൊഴിലാളി സംഘടനകളുമായി നടത്തിയ ചർച്ചയിലാണ് ആവശ്യം ഉയർന്നത്. നിലവിൽ രാത്രി 12 വരെയാണ് ബാറുകൾക്ക് പ്രവർത്തനാനുമതി.
ബാർ തൊഴിലാളികൾക്ക് മിനിമം വേതനവും പ്രത്യേക ക്ഷേമനിധിയും ഏർപ്പെടുത്തണമെന്നും സംഘടനകൾ ആവശ്യപ്പെട്ടു. സ്വാതന്ത്ര്യദിനത്തിലും തിരുവോണത്തിനും അവധി അനുവദിക്കണമെന്നും ആവശ്യമുണ്ട്. പുതിയ മദ്യനയത്തിന്റെ ഭാഗമായി വിവിധ വിഭാഗങ്ങളുമായി സർക്കാർ തുടർചർച്ചകൾ നടത്തും
