കൊച്ചി : അറബിക്കടലിൽ ചരക്കുകപ്പലിന് തീപിടിച്ച സംഭവത്തെത്തുടർന്ന് കേരളത്തിന്റെ തീരമേഖലയില്‍ എണ്ണച്ചോര്‍ച്ചയ്ക്കു സാധ്യതയെന്ന് ഇന്ത്യന്‍ സമുദ്രവിജ്ഞാന സേവനകേന്ദ്രത്തിന്റെ മുന്നറിയിപ്പ്.കപ്പൽ പൂർണമായും കത്തിനശിച്ചിട്ടുണ്ട് .കപ്പലിന്റെ ഉള്ളിലെ കണ്ടെയ്നറുകളിൽ അപകടകരമായ രാസവസ്തുക്കളാണെന്നാണ് വിവരം .കപ്പൽ മുങ്ങുന്ന സാഹചര്യമുണ്ടായാൽ സമുദ്രത്തിൽ എണ്ണയും രാസവസ്തുക്കളും പടരാതെ നീക്കാനുള്ള മുന്നൊരുക്കങ്ങൾ കോസ്റ്റ്ഗാർഡ് നടത്തിവരികയാണ് .
എംവി വാന്‍ ഹായ് 503 എന്ന ചരക്കുകപ്പലിൽ 22 ജീവനക്കാർ ഉണ്ടായിരുന്നുവെന്നാണ് വിവരം . ഇതിൽ18 പേർ കടലിൽ ചാടി രക്ഷപ്പെട്ടു. ഇവരെ മംഗളുരുവിലെത്തിച്ചു .നാലുപേർക്ക് ഗുരുതരമായി പൊള്ളലേറ്റിട്ടുണ്ട്. കാണാതായ നാല് പേർക്കായുള്ള തെരച്ചിൽ നടക്കുകയാണ്.
