പൊലീസുകാരൻ സ്റ്റേഷനിൽ നിന്ന് മോഷ്ടിച്ച തൊണ്ടിമുതൽ ക്വാർട്ടേഴ്സിൽ നിന്ന് കണ്ടെത്തി

വയനാട് : ബത്തേരി പൊലീസ് സ്റ്റേഷനിൽ നിന്ന് പോലീസുകാരൻ മോഷ്ടിച്ച തൊണ്ടിമുതൽ ക്വാർട്ടേഴ്സിൽ നിന്ന് കണ്ടെത്തി.കേസിൽ അറസ്റ്റിലായ സീനിയർ സിവിൽ പൊലീസ് ഓഫീസർ സബിത്തുമായി നടത്തിയ തെളിവെടുപ്പിലാണ് ഏഴ് ചാക്ക് പാൻമസാല ചാക്കുകൾ കണ്ടെത്തിയത്.സ്റ്റേഷനിൽ നിന്ന് 500 മീറ്റർ അകലെയുള്ള പൊലീസ് ക്വാർട്ടേഴ്സിൽ നിന്നാണ് ഇവ കണ്ടെത്തിയത്. കൽപ്പറ്റയിൽ സൂക്ഷിച്ചിരുന്ന ഹാൻസ് ചാക്കുകൾ കേസെടുത്തതിന് പിന്നാലെ  ക്വാർട്ടേഴ്സിലേക്ക് മാറ്റിയതായാണ് അന്വേഷണ സംഘത്തിന്റെ കണ്ടെത്തൽ.