തിരുവനന്തപുരം : മുഖ്യമന്ത്രി വി.ഡി. സതീശന്റെ വാഹനം തടഞ്ഞ ഡിസിസി അംഗവും ചേന്തി ശ്രീനാരായണ സാംസ്കാരിക നിലയം ചാരിറ്റബിൾ സൊസൈറ്റി രക്ഷാധികാരിയുമായ ചേന്തി അനിലിനെ കോൺഗ്രസിൽ നിന്ന് സസ്പെൻഡ് ചെയ്യും .അനിലിനെതിരെ നടപടിയെടുക്കാൻ ഡിസിസി പ്രസിഡന്റിനോട് കെപിസിസി നേതൃത്വം ആവശ്യപ്പെട്ടിരുന്നു .ഇന്നു തന്നെ നടപടിയുണ്ടാകും.
മുഖ്യമന്ത്രിയുടെ വാഹനവ്യൂഹം തടയുകയും മുഖ്യമന്ത്രി വി.ഡി. സതീശനുമായി കയർക്കുകയും ചെയ്ത സംഭവത്തിൽ ചേന്തി അനിലിനെ ഇന്നലെ രാത്രിയിൽ ശ്രീകാര്യം പൊലീസ് കസ്റ്റഡിയിൽ എടുത്തിരുന്നു .മുഖ്യമന്ത്രിയെ തടഞ്ഞുനിർത്തി ഭീഷണിപ്പെടുത്തിയതിനും കൃത്യനിർവഹണം തടസ്സപ്പെടുത്തിയതിനുമാണ് കേസെടുത്തിരിക്കുന്നത്.
