പത്തനംതിട്ട: ജില്ലയിലെ പാലിയേറ്റീവ് ബോധവൽക്കരണ പ്രവർത്തനങ്ങളുടെ ഭാഗമായി ജില്ലാ മെഡിക്കൽ ഓഫീസ് ആരോഗ്യം, ആരോഗ്യ കേരളം പത്തനംതിട്ട, കത്തോലിക്കേറ്റ് കോളേജ് നാഷണൽ സർവീസ് സ്കീം യൂണിറ്റ് സംയുക്താഭിമുഖ്യത്തിൽ ജില്ലാതല ഉദ്ഘാടനവും ബോധവൽക്കരണ ക്ലാസും സംഘടിപ്പിച്ചു. പത്തനംതിട്ട കത്തോലിക്കേറ്റ് കോളേജ് മാർ ക്ലിമിസ് ഹാളിൽ നടന്ന ജില്ലാ മെഡിക്കൽ ഓഫീസർ ഡോ. എൽ അനിതകുമാരി ഉദ്ഘാടനം നിർവഹിച്ചു.
പത്തനംതിട്ട കാത്തോലിക്കേറ്റ് കോളേജ് പ്രിൻസിപ്പൽ ഡോ.സിന്ധു ജോൺസ് അധ്യക്ഷയായി. ആരോഗ്യ കേരളം ജില്ലാ പ്രോഗ്രാം മാനേജർ ഡോ എസ്. ശ്രീകുമാർ പാലിയേറ്റീവ് ദിനാചരണ സന്ദേശം നൽകി. ‘പാലിയേറ്റീവ് പരിചരണം അയൽപക്ക കൂട്ടായ്മകളിലൂടെ’ എന്നതാണ് ഈ വർഷത്തെ പാലിയേറ്റീവ് ദിനാചരണ തീം. പാലിയേറ്റീവ് പരിചരണത്തിന്റെ പ്രാധാന്യം വിദ്യാർഥികളിലൂടെ കൂടുതൽ ജനങ്ങളിലേക്ക് എത്തിക്കുന്നതിനും പാലിയേറ്റീവ് രോഗികൾക്ക് പരിപൂർണ പിന്തുണ നൽകുന്നതിനുള്ള ബോധവൽക്കരണ പ്രവർത്തനങ്ങളും ചർച്ച ചെയ്തു.
ഡെപ്യൂട്ടി ഡിഎംഒ ഡോ. ഐപ്പ് ജോസഫ്, പത്തനംതിട്ട കാത്തോലിക്കേറ്റ് കോളേജ് നാഷണൽ സർവീസ് സ്കീം പ്രോഗ്രാം ഓഫീസർ ഡോ.തോമസ് എബ്രഹാം, ജില്ലാ പാലിയേറ്റീവ് കോഡിനേറ്റർ ഐശ്വര്യ എൻ. രാജ് എന്നിവർ പങ്കെടുത്തു. സിഗ്നേച്ചർ കാമ്പയിൻ, ഫ്ലാഷ് മോബ് എന്നിവയും സംഘടിപ്പിച്ചു.
