Thursday, April 3, 2025
No menu items!

subscribe-youtube-channel

HomeNewsകവിയൂർ സ്വദേശിനിയുടെ...

കവിയൂർ സ്വദേശിനിയുടെ പരാതിയിൽ കന്യാകുമാരി സ്വദേശിയായ യുവാവിനെ പോലീസ് അറസ്റ്റ് ചെയ്തു

തിരുവല്ല : പരിചയം  സ്ഥാപിച്ച ശേഷം ഭീഷണിപ്പെടുത്തി ശാരീരിക പീഡനത്തിന് ഇരയാക്കുകയും പലപ്പോഴായി 10 ലക്ഷത്തോളം രൂപ തട്ടിയെടുക്കുകയും ചെയ്തതായി കാട്ടി 30 കാരി നൽകിയ പരാതിയിൽ കന്യാകുമാരി സ്വദേശിയായ 24 കാരനെ തിരുവല്ല പോലീസ് അറസ്റ്റ് ചെയ്തു. കന്യാകുമാരി വിളവൻ കോട് താലൂക്കിൽ മാങ്കോട് അമ്പലക്കാലയിൽ സജിൻ ദാസിനെയാണ് അറസ്റ്റ് ചെയ്തത്. 

കന്യാകുമാരിൽ നിന്നും മേസ്തിരി പണിക്കായി മൂന്നുവർഷം മുമ്പ് കവിയൂരിൽ എത്തിയ സജിൻ ദാസ് രണ്ട് വർഷം മുമ്പ് ഭർതൃമതിയായ കവിയൂർ സ്വദേശിയുമായി പരിചയത്തിൽ ആവുകയായിരുന്നു. ഈ പരിചയം മുതലെടുത്ത് ഇയാൾ യുവതിയെ പളനിയിലും, വേളാങ്കണ്ണിയിലും അടക്കം എത്തിച്ച് പീഡിപ്പിക്കുകയായിരുന്നു. ഇതിനിടെ പലപ്പോഴായി യുവതിയിൽ നിന്നും 10 ലക്ഷത്തോളം രൂപയും ഇയാൾ കൈകലാക്കി.

അർബുദ രോഗിയും അടുത്ത സുഹൃത്തുമായ പെൺകുട്ടിയുടെ ചികിത്സയുടെ ആവശ്യവുമായി തിരുവനന്തപുരത്തേക്ക് പോവുകയാണ് എന്ന് പറഞ്ഞാണ് പലപ്പോഴും യുവതി വീട്ടിൽ നിന്നും പോയിരുന്നത് എന്ന് പോലീസ് പറഞ്ഞു. നിരന്തരമായ പീഡനവും പണം ആവശ്യപ്പെട്ടുള്ള സജിൻ ദാസിന്റെ ഭീഷണിയും സഹിക്കവയ്യാതായതോടെ യുവതി ഭർത്താവിനെ വിവരമറിയിച്ചു.

തുടർന്ന് യുവതി നൽകിയ പരാതിയുടെ അടിസ്ഥാനത്തിൽ നടത്തിയ അന്വേഷണത്തിൽ കവിയൂരിലെ വാടകവീട്ടിൽ നിന്നും സജിൻ ദാസിനെ പോലീസ് അറസ്റ്റ് ചെയ്യുകയായിരുന്നു. പ്രതിയെ ഉച്ചയ്ക്കു ശേഷം കോടതിയിൽ ഹാജരാക്കുമെന്ന് പോലീസ് പറഞ്ഞു. 

- Advertisment -

RELATED ARTICLES
Advertisment

- Advertisement -

വയനാട് പുനരധിവാസം : കണക്കുകള്‍ വ്യക്തമാക്കാത്തതില്‍ സംസ്ഥാന സര്‍ക്കാരിനെ വിമര്‍ശിച്ച് ഹൈക്കോടതി

കൊച്ചി : വയനാട് പുനരധിവാസത്തിൽ എസ്.ഡി.ആര്‍.എഫില്‍നിന്ന് എത്ര രൂപ ചെലവഴിക്കാനാകുമെന്നതിനെ കുറിച്ചുള്ള കണക്കുകള്‍ വ്യക്തമാക്കാത്തതില്‍ സംസ്ഥാന സര്‍ക്കാരിനെ രൂക്ഷമായി വിമര്‍ശിച്ച് ഹൈക്കോടതി. പണം ചോദിക്കുമ്പോൾ കൃത്യമായ കണക്കു കൊടുത്താലേ കേന്ദ്രത്തിൽ നിന്നും കിട്ടൂ...

റ്റി ആർ രഘുനാഥനെ സി പി എം കോട്ടയം ജില്ലാ സെക്രട്ടറിയായി തെരഞ്ഞെടുത്തു

കോട്ടയം: സി പി എം കോട്ടയം ജില്ലാ സെക്രട്ടറിയായി റ്റി ആർ രഘുനാഥനെ തെരഞ്ഞെടുത്തു. സംസ്ഥാന സെക്രട്ടറി എം വി ഗോവിന്ദൻ പങ്കെടുത്ത ജില്ലാ കമ്മറ്റിയിലാണ് രഘുനാഥനെ സെക്രട്ടറിയായി തീരുമാനിച്ചത്. ജില്ലാ സമ്മേളനത്തിൽ സെക്രട്ടറിയായി...
- Advertisment -

Most Popular

- Advertisement -