തിരുവല്ല: ടോറസ് ലോറികളുടെ ബാറ്ററി മോഷ്ടിച്ച കേസിലെ പ്രതികളെ വീയപുരം പോലീസ് അറസ്റ്റ് ചെയ്തു. തിരുവല്ല കുന്നന്താനം ഗോപുരത്തിൽ ജി എസ് സേതു (29), കവിയൂർ കോട്ടൂർ തൈക്കാട്ടിൽ വിശാൽ റാവത്ത് (20) എന്നിവരെയാണ് അറസ്റ്റ് ചെയ്തത്.
രാത്രികാലങ്ങളിൽ റോഡരികിൽ പാർക്ക് ചെയ്യുന്ന ടോറസുകളുടെ ബാറ്ററി മോഷണം നടത്തിയ ഇവർ നിരവധി ക്രിമിനൽ കേസുകളിലും പ്രതികളാണ്. കഴിഞ്ഞ ദിവസം രാത്രി വീയപുരം ഇരതോട് ഭാഗത്ത് റോഡിൽ നിർത്തിയിട്ടിരുന്ന ടിപ്പറിൻ്റെ ബാറ്ററി മോഷണം പോയ കേസിൽ പോലീസ് നടത്തിയ അന്വേഷണത്തിലാണ് പ്രതികൾ പിടിയിലായത്.
