തിരുവനന്തപുരം : ഇന്ത്യ-പാക് സംഘർഷത്തെ തുടർന്ന് അതിർത്തി സംസ്ഥാനങ്ങളിൽ നിന്ന് ഡൽഹിയിലെത്തിയ മലയാളി വിദ്യാർഥികൾക്ക് കേന്ദ്രമന്ത്രി സുരേഷ് ഗോപി ഇടപെട്ട് പ്രത്യേക ട്രെയിൻ അനുവദിച്ചു.
ജമ്മു, ശ്രീനഗർ, ബാരാമുള്ള,പഞ്ചാബ്, ജലന്ധർ, ചണ്ഡീഗഢ് തുടങ്ങിയ സ്ഥലങ്ങളിൽനിന്നുള്ള വിദ്യാർഥികളാണ് ഞായറാഴ്ച കേരളത്തിലേക്കു പുറപ്പെട്ടത്. വിവിധ സർവകലാശാലകളിലെ മുന്നൂറോളം മലയാളി വിദ്യാർഥികളാണ് കേരള ഹൗസിൽ എത്തിയിരുന്നത്.
സുരേഷ് ഗോപിയുടെ ആവശ്യം പരിഗണിച്ചാണ് റെയിൽവേ മന്ത്രാലയം അടിയന്തരമായി കേരളത്തിലേക്ക് 24 കോച്ചുകളുള്ള സ്പെഷ്യൽ ട്രെയിൻ അനുവദിച്ചത്. തീവണ്ടി ചൊവ്വാഴ്ച ഉച്ചയ്ക്ക് 3 -ന് തിരുവനന്തപുരം സെൻട്രൽ സ്റ്റേഷനിൽ എത്തും.
