അജ്ഞാത പുരുഷമൃതദേഹം കോട്ടയം മെഡിക്കൽ കോളേജിൽ  – ഉറ്റവരെ തേടുന്നു

അടൂർ: അജ്ഞാത പുരുഷന്റെ മൃതശരീരം കോട്ടയം മെഡിക്കൽ കോളേജ് മോർച്ചറിയിൽ സൂക്ഷിക്കുന്നു. 72 വയസ്സ് പ്രായം തോന്നുന്നതും, സ്വദേശം തിരിച്ചറിഞ്ഞിട്ടില്ലാത്തതുമാണ്. ഈ മാസം 11 ന് പകൽ രണ്ടു മണിയോടെ അടൂർ ഗവൺമെൻറ് ആശുപത്രിയുടെ മുൻഭാഗത്ത് കുഴഞ്ഞുവീണ ഇയാളെ ഗവൺമെൻറ് ആശുപത്രിയിൽ പ്രവേശിപ്പിച്ചുവെങ്കിലും സ്ഥിതി മോശമായതിനെ തുടർന്ന് കോട്ടയം മെഡിക്കൽ കോളേജിലേക്ക് മാറ്റുകയായിരുന്നു. ചികിത്സയിൽ കഴിഞ്ഞു വരവേ പിറ്റേന്ന് മരണപ്പെട്ടു.

ബാബു എന്നാണ് പേര് പറയപ്പെടുന്നത്, മെലിഞ്ഞ ശരീരം, വെളുത്ത നിറം നരച്ച മുടി, വെളുത്ത കുറ്റിത്താടിയും മേൽ വരിയിലെ പല്ലുകൾ ഉന്തിയും കാണുന്നു. ഇടതു കൈ തോളിന് താഴെ  കറുത്ത മറുക് ഉണ്ട് എന്നാണ് അടയാള വിവരം.

കേസ് രജിസ്റ്റർ ചെയ്ത് അന്വേഷണം ആരംഭിച്ച അടൂർ പോലീസിന്റെ നേതൃത്വത്തിൽ  ഇൻക്വസ്റ്റ് നടപടികൾക്ക് ശേഷം ശേഷം മൃതദേഹം മെഡിക്കൽ കോളേജ് മോർച്ചറിയിൽ  സൂക്ഷിച്ചിട്ടുള്ളതാണ്. ഇയാളെപ്പറ്റി എന്തെങ്കിലും വിവരം ലഭിക്കുന്നവർ അടൂർ പോലീസ് സ്റ്റേഷനിൽ അറിയിക്കേണ്ടതാണ്.