തിരുവല്ല : എം. സി റോഡിൽ തുകലശ്ശേരി ജംഗ്ഷന് സമീപം ഉണ്ടായ വാഹന അപകടത്തിൽ ഒരാൾക്ക് പരിക്കേറ്റു. തിരുവനന്തപുരം രംഗക്ഷേത്ര നാടക കമ്പനിയിലെ മിനി ബസ്സു റിനോൾട്ട് കാറും കൂട്ടിയിടിച്ചായിരുന്നു അപകടം ഉണ്ടായത്. ഇന്ന് പുലർച്ചെ 5.30 മണിയോടെ ആയിരുന്നു അപകടം.
നാടകം കഴിഞ്ഞ് ആലൂവായിൽ നിന്നും തിരുവനന്തപുരത്തേക്ക് പോയ രംഗക്ഷേത്ര നാടക ബസും തിരുവനന്തപുരത്തു നിന്നും എറണാകുളത്തേക്ക് പോയ സ്വകാര്യ കാറും കൂട്ടിയിടിച്ചത്. നാടക വാഹനത്തിൽ 16 പേരും കാറിൽ ഭാര്യയും ഭർത്താവും മാത്രമേ ഉണ്ടായിരുന്നുള്ളൂ കാറിൻ്റെ ഡ്രൈവർ ഉറങ്ങിപ്പോയതാണ് അപകടത്തിനു കാരണമെന്ന് നാടകക്കാരനായ ഷിബു പറഞ്ഞു. കാറിൽ സഞ്ചരിച്ച ദമ്പതിന്മാരിൽ പരിക്കേറ്റ ഭാര്യയെ തിരുവല്ലയിലെ സ്വകാര്യ ആശുപത്രിയിൽ പ്രവേശിപ്പിച്ചു.
