കോഴിക്കോട് : ലഹരിക്കടിമയായ ഭർത്താവിന്റെ ആക്രമണത്തിൽ ഗുരുതരമായി പരുക്കേറ്റ് ചികിത്സയിലായിരുന്ന യുവതി മരിച്ചു.പാണ്ടികശാല റോഡ് മക്കാട്ട് കമ്പിളിപ്പുറത്ത് എം.കെ. മുനീറ(32) ആണ് മരിച്ചത്.ഭർത്താവ് അബ്ദുൾ ജബ്ബാറിനെ പോലീസ് അറസ്റ്റ് ചെയ്തിരുന്നു.
ബുധനാഴ്ച രാവിലെ ഒൻപതരയോടെയാണ് ആറും എട്ടും വയസുള്ള മക്കളുടെ മുന്നിൽ വച്ച് മുനീറയെ ഭർത്താവ് അബ്ദുൾ ജബ്ബാർ വെട്ടി പരുക്കേൽപ്പിച്ചത്.തലയ്ക്കും കഴുത്തിനും കൈകൾക്കും വെട്ടേറ്റ മുനീറ ഗുരുതരാവസ്ഥയിൽ വെന്റിലേറ്ററിൽ ചികിത്സയിലിക്കെ രാവിലെയാണ് മരിച്ചത് .പ്രതി സ്ഥിരമായി ലഹരി ഉപയോഗിക്കാറുണ്ടെന്നും മാസങ്ങൾക്ക് മുമ്പും ഇയാൾ ഭാര്യയെ കൊല്ലാൻ ശ്രമിച്ചിരുന്നുവെന്നും മുനീറയുടെ ബന്ധുക്കൾ ആരോപിക്കുന്നു.
