പൊട്ടിവീണ വൈദ്യുതക്കമ്പിയിൽനിന്ന് ഷോക്കേറ്റ് വീട്ടമ്മ മരിച്ചു

തൃശൂര്‍ : കൃഷിയിടത്തിൽ പൊട്ടിവീണ വൈദ്യുതി കമ്പിയില്‍ നിന്ന് ഷോക്കേറ്റ് വീട്ടമ്മ മരിച്ചു.ഒപ്പം ഉണ്ടായിരുന്ന ഭര്‍ത്താവിനും ഷോക്കേറ്റു.കുണ്ടന്നൂര്‍ തെക്കേക്കര മാളിയേക്കല്‍ വീട്ടില്‍ ബെന്നിയുടെ ഭാര്യ ജൂലി (48) യാണ് മരിച്ചത്. രാവിലെ 9.30നാണ് സംഭവം. വീടിനോട് ചേർന്ന കൃഷിയിടത്തിൽ വീണ തേങ്ങ എടുക്കാൻ പോയതായിരുന്നു ജൂലിയും ഭർത്താവ് ബെന്നിയും .തോട്ടത്തിലെ മോട്ടോർ പുരയിലേക്കുള്ള വൈദ്യുതി ലൈനാണ് പൊട്ടിവീണുകിടന്നിരുന്നത്. ബെന്നിയ്ക്ക് ഷോക്കേറ്റുവെങ്കിലും രക്ഷപ്പെട്ടു.പരിക്കേറ്റ ജൂലിയെ ഉടനെ തൃശൂർ മെഡിക്കല്‍ കോളേജ് ആശുപത്രിയില്‍ എത്തിച്ചെങ്കിലും ജീവന്‍ രക്ഷിക്കാനായില്ല.