തിരുവല്ല: കുറ്റൂർ പാണ്ടിശ്ശേരിഭാഗം ഗവ. എൽപി സ്കൂൾ 110-)o വാർഷികാഘോഷം കുറ്റൂർ ഗ്രാമപഞ്ചായത്ത് പ്രസിഡണ്ട് അനുരാധ സുരേഷ് ഉദ്ഘാടനം ചെയ്തു. യുകെജിയിൽ നിന്ന് ഒന്നാം ക്ലാസിലേക്ക് പ്രവേശനം നേടാൻ പോകുന്ന വിദ്യാർത്ഥികളുടെയും നാലാം ക്ലാസ് പഠനം പൂർത്തിയാക്കിയ കുട്ടികളുടെയും കിഡ്സ് ഗ്രാജുവേഷൻ സെറിമണി സംഘടിപ്പിച്ചത് .
പിടിഎ പ്രസിഡണ്ട് ഷിജിമോൾ അധ്യക്ഷത വഹിച്ചു. വാർഡ് മെമ്പർ സാറാമ്മ കെ വർഗീസ്, പ്രധാന അധ്യാപിക സുജാ ജോൺ, വി ആർ രാജേഷ്, പി ഐ ഐസക്ക്, എം ആർ പരമേശ്വരൻ പിള്ള, വി എം അശോക് കുമാർ, ടി കെ സുകുമാരൻ, വി എം ദിലീപ് കുമാർ, ഉഷാകുമാരി പി, സുമാദേവി, മറിയാമ്മ ജോസഫ്, ശ്രീജ ടി ആർ, ജസ്റ്റിൻ രാജ്, ലേഖ ആർ, സംതൃപ്തി ആർ നായർ, പി ഒ ഗോപി,ജോസഫ് ജോസഫ്, പുഷ്പാ ദേവി എന്നിവർ പ്രസംഗിച്ചു.
പഠനരംഗത്തും കലാ -കായികമേളയിലും ജില്ലയിലും സ്കൂളിലും മികച്ച വിജയം കൈവരിച്ചവർക്കും സ്കോളർഷിപ്പ് പരീക്ഷയിൽ ഉന്നത വിജയം നേടിയ വിദ്യാർത്ഥികൾക്കും ട്രോഫിയും ക്യാഷ് പ്രൈസും നൽകി. തുടർന്ന് വിദ്യാർഥികളുടെ കലാപരിപാടികളും ഉണ്ടായിരുന്നു.
