കൊച്ചി : ചോറ്റാനിക്കരയിൽ വീടിനുള്ളിൽ അവശനിലയിൽ കണ്ടെത്തിയ പോക്സോ അതിജീവിതയായ 20 വയസുകാരി അതീവ ഗുരുതരാവസ്ഥയിൽ. പെൺകുട്ടിയുടെ ആൺസുഹൃത്തിനെ പൊലീസ് കസ്റ്റഡിയിലെടുത്തു ചോദ്യം ചെയ്തു വരികയാണ്. ഇയാൾക്കെതിരേ ബലാത്സംഗം, വധശ്രമം എന്നീ കുറ്റങ്ങൾ ചുമത്തിയതായി പോലീസ് അറിയിച്ചു.
ഞായറാഴ്ച ഉച്ചയോടെയാണ് യുവതിയെ വീട്ടിനുള്ളിൽ ഗുരുതരാവസ്ഥയിൽ ബന്ധുക്കൾ കണ്ടെത്തുന്നത്. കഴുത്തില്‍ കയര്‍ മുറുകി കൈയിലെ മുറിവിൽ ഉറുമ്പരിച്ച നിലയിലായിരുന്നു .യുവതിയുടെ സുഹൃത്തായ തലയോലപ്പറമ്പ് സ്വദേശിയായ യുവാവ് ശനിയാഴ്ച രാത്രി യുവതിയുടെ വീട്ടിൽ വരികയും ഇവർ തമ്മിൽ വാക്കേറ്റമുണ്ടാവുകയും ചെയ്തതായാണ് വിവരം .ഞായറാഴ്ച രാവിലെ ഇയാൾ ഇവിടെ നിന്നും പോയി.യുവതി ആത്മഹത്യയ്ക്ക് ശ്രമിക്കുകയായിരുന്നു എന്നും മരിച്ചെന്ന് കരുതിയാണ് സ്ഥലംവിട്ടതെന്നും ഇയാൾ മൊഴി നൽകി.
